Dilon Mein Pyar jagane Ko Eid Aai Hai -- EID - A POEM IN URDU

EID 

A POEM IN URDU 

,.,.,.,.,.,.,.,.,.,.,.,.,.,.,.,..,.,..,.,.,.,.,.,.,.,.,.,.

////////////////////////////////

Dilon Mein Pyar jagane Ko Eid Aai Hai
Hanso Ke Hansne Hansane Ko Eid Aai Hai


Masarraton Ke Khazane Diye Khuda Ne Hamin 
Tarane Shukr Ke Gane Ko Eid Aai Hai

Mahak Uthi Hai Faza Pairahan Ki Khushbu Se 
Chaman Dilon Ka Khilane Ko Eid Aai Hai
 
Khusha Ke Sheer O Shakar Ho Gaye Gale Mil Kar 
Khuloos -e- Dil Hi Dikhane Ko Eid Aai Hai

Utha do Dosto! Is Dushmani Ko Mahfil Se
Shikayaton Ke Bhulane Ko Eid Aai Hai

Kiya Tha Ahd Ke Khushyan Jahan Mein Banten Ge 
Usi Talab Ke Nibhane Ko Eid Aai Hai